Egitasmo honen helburu nagusia EAEko langabeen enplegagarritasuna hobetzea da, horretarako euskal enpresa-sareak dituen beharrekin bat datorren prestakuntza espezializatua eskainiz. Hobekuntza hori argi ikusiko da deialdian parte hartzen duten enpresek prestakuntza jasotzen duten pertsonak kontratatuko dituztelako.

Diru-laguntza hau eskatu ahal izango dute beren lantokia gure autonomia erkidegoan duten enpresa guztiek, beren izaera juridikoa edozein dela ere, eta baita Lanbideren Prestakuntza Erakundeen Erregistroan dauden prestakuntza-erakunde publiko zein pribatuek, baldin eta deialdi honen eranskinean pdf-aren deskarga-estekajasotako prestakuntza espezialitateak edo enpresen behar espezifikoei erantzuten dieten beste espezialitate batzuk emango badituzte.

Besteak beste, honako baldintza hauek bete beharko dituzte erakunde eskatzaileek: alde batetik, langabezian, Lanbiden erregistratuta eta beharrezko gaitasunak dituzten pertsona nahikorik ez dagoela erakutsi beharko dute eta, bestetik, prestakuntza-ekintzak bukatu eta hiru hilabeteko epean prestakuntza jaso dutenen gutxienez % 50a kontratatzeko konpromisoa hartu beharko dute. Prestakuntza-ekintza horiek aurrez aurre egin beharko dira 2018ko ekitaldian (diru-laguntza esleitua izan deneko jakinarazpena jasotzen denetik 2019ko uztailaren 31ra arteko epea egongo da).

Deialdi honetan esleituko diren diru-laguntzak eskatu ahal izateko, hautagaiak langabezian egon behar dira, Lanbiden erregistratuta egon behar dute eta organismo honek prestatutako hautaketa-prozesu batean (aurre-hautaketa) eta enpresa onuradunek prestatutako beste batean (azken hautaketa) hartu beharko dute parte.