Lanbide Heziketako ziklo baten ikasketak eta alor oso zehatz eta espezializatu batean lan egitea uztartzen dituzten ikasleak hartu ditzakete enpresek.

Ikas-ekinezko Erregimeneko Lanbide Heziketa Dualeko ereduan burutzen da, enpresan eta Lanbide Heziketa ikastetxean egindako irakaskuntza eta ikasketa prozesuak elkartzen dituena. Ikasle eta enpresen arteko bi erlazio mota jasotzen ditu:

• Kontratuzkoa: heziketa eta ikaskuntzarako kontratua.
• Ikasleendako ordainketa erregimena, heziketa programetarako diru-laguntza bidez.

Iraupena:

Hiru ikasturte, enpresako egonaldi epeak txikitik handira joango dira.

Enpresarendako abantailak:

• Enpresaren ekoizpen prozesuen esparru akademikoarekin kontaktatzea.
• Ikastetxe-enpresa-ikastetxe ezagutza transferentzia, kasu batzuetan enpresako langileen ezagutzak eguneratu eta aberastea ahalbidetuko duena.
• Ikasleekin kontratu bidezko erlazio bat ezartzekotan, enpresaren kotizazio kuoten murrizketaren onura jasoko du enpresak, % 100ekoa enpresak 250 langile baino gutxiago baditu, eta % 75ekoa gehiago edukitzekotan.
• Enpresa bere langile kopurua handitzea pentsatzen badago, eredu honek bere profesionalen prestakuntza eta espezializazioan parte hartzea ahalbidetzen dio, txertatze prozesua hobetuz.

Enpresaren erantzukizun eta betebeharrak:

• Ikasleekin kontratu bidezko erlazio bat ezartzea, edo ikasleendako ordainketa erregimena ezartzea, heziketa programetarako diru-laguntza bidez.
• Lan egindako orduei dagokien soldata.
• Pertsona erantzule bat izendatu beharko du, ikastetxeko tutorearekin batera zehaztuko duena ikaslearen lanpostua eta enpresa barruko heziketa programa.
• Ikasleek enpresan egin beharreko lana estu-estu lotua egon beharko da heziketa zikloaren profilarekin eta programatutako espezializazioekin.