- Hasiera
- LH Duala
LH Duala
LH DUALA IKAS-EKINEZKO ERREGIMENEAN
Lanbide Heziketa Dualeko programek elkartu egiten dituzte enpresako eta Lanbide Heziketa ikastetxeko irakaskuntza eta ikasketa prozesuak. Ikasleek benetako lan egoeretan ikasten dute, eta hala beren prestakuntza teknikoa osatzen da eta erraztu egiten zaie beharrari lotutako gaitasun transbertsalak lortzea.
Enpresetako egonaldia garatu daiteke ikastetxeko heziketaren aldi berean, edo bi heziketak tartekatuta. Enpresako egonaldi esklusiboetan, ikasleen beharreko jardunaldia ezin da astean 40 ordu baino gehiagokoa izan.
Ikas-ekinezko Erregimenean Lanbide Heziketa Duala ikasle eta enpresen arteko bi erlazio mota ezberdinen bitartez burutu daiteke:
- Kontratuzkoa: heziketa eta ikaskuntzarako kontratua.
- Ikasleendako ordainketa erregimena, heziketa programetarako diru-laguntza bidez.
Enpresendako abantailak:
- Enpresaren ekoizpen prozesuen esparru akademikoarekin kontaktua lortzea.
- Ikastetxe-enpresa-ikastetxe ezagutza transferentzia, kasu batzuetan enpresako langileen ezagutzak eguneratu eta aberastea ahalbidetuko duena.
- Ikasleekin kontratu bidezko erlazio bat ezartzekotan, enpresaren kotizazio kuoten murrizketaren onura jasoko du enpresak, % 100ekoa enpresak 250 langile baino gutxiago baditu, eta % 75ekoa gehiago edukitzekotan.
- Enpresa bere langile kopurua handitzea pentsatzen badago, eredu honek bere profesionalen prestakuntza eta espezializazioan parte hartzea ahalbidetzen dio, txertatze prozesua hobetuz.
Enpresen erantzukizun eta betebeharrak:
- Ikasleekin kontratu bidezko erlazio bat ezartzea, edo ikasleendako ordainketa erregimena ezartzea, heziketa programetarako diru-laguntza bidez.
- Lan egindako orduei dagokien soldata.
- Pertsona erantzule bat izendatu beharko du, ikastetxeko tutorearekin batera zehaztuko duena lanpostua eta enpresa barruko heziketa programa.
- Ikasleek enpresan egin beharreko lana estu-estu lotua egon beharko da heziketa zikloaren profilarekin eta programatutako espezializazioekin.
CENTROS FP IKASLAN BIZKAIA
Ikaslan Bizkaia
Ikaslan Bizkaia irabazi-asmorik gabeko elkartea da, Bizkaiko Lanbide Heziketako 27 Ikastegi Publikok osatzen dutena. Maila handiko irakasleak daude elkartean, eta bere helburu nagusia irakaskuntza modernoa eta kalitatekoa ematea da, gaur egungo lan-merkatuaren beharrekin bat datorrena. Era berean, gure xedeen arteko garrantzitsuenetako bat ikasleon giza-heziketa da.
Ez itzazu galdu
Esteka interesgarriak
Harpidetu zaitez INFOIKASLANen
