- Hasiera
- Gaur gaurkoak
- Lan-esperientziarik gabeko edo esperientzia gutxiko kontratazio laguntzak titulazioa duten gazteentz
Lan-esperientziarik gabeko edo esperientzia gutxiko kontratazio laguntzak titulazioa duten gazteentz
Beren tituluarekin lotutako lanetan esperientzia gutxi edo batere esperientziarik ez duten 30 urte baino gutxiagoko gazteak urriaren 29ra arte kontratatzen dituzten enpresek Lehen Aukera laguntza-programan parte hartu ahal izango dute. Ikaslan Bizkaiak, Lanbiderekin lankidetzan aritzen den aldetik, doan egiten du programa horri dagozkion kontratazioen kudeaketa.
Eusko Jaurlaritzak sustatutako Lehen Aukera programaren helburua da hezkuntza-mundutik lan-mundurako trantsizioa egiten laguntzea, kalitatezko enpleguen bidez. Horregatik, lanpostuak bat etorri behar du ezinbestean kontratatutako pertsonaren ikasketa- eta edo prestakuntza-mailarekin. Kontratua mugagabea edo praktiketakoa izan daiteke, praktikaldia gutxienez 6 hilabetekoa bada, lanaldi osoan edo partzialean (betiere ezarritako lanaldiaren % 70ekoa bada, gutxienez).
Diruz lagundutako zenbatekoa titulazio akademikoaren eta kontratuaren iraupenaren araberakoa da
Goi-mailako heziketa-zikloak (LH II):
-
4.550 € gutxienez 6 hilabeteko praktika-kontratu bakoitzeko.
7.280 € gutxienez 12 hilabeteko praktika-kontratu bakoitzeko.
10.900 € kontratu mugagabe bakoitzeko.
Erdi-mailako heziketa-zikloak (LH I) eta profesionaltasun-ziurtagiriak:
-
3.500 € gutxienez 6 hilabeteko praktika-kontratu bakoitzeko.
5.600 € gutxienez 12 hilabeteko praktika-kontratu bakoitzeko.
8.400 € kontratu mugagabe bakoitzeko.
Zenbateko horiek lanaldi osoko kontratuei aplikatzen zaizkie; beraz, kontratua lanaldi partzialekoa bada, diruz lagundutako zenbatekoa lanaldiaren araberakoa izango da. Gainera, % 10 handituko da emakumeak kontratatzen badira.
Bestalde, honako betekizun hauek bete behar dituzte kontratatuek:
- 16 eta 30 urte bitarteko gazteak izatea.
- Tituluren bat edukitzea: unibertsitatekoa, Lanbide Heziketakoa, profesionaltasun-ziurtagiriak edo titulu baliokide ofizialak.
- EAEn bizitzea.
- Egindako titulazioarekin lotura duten lanetan gehienez ere 6 hilabeteko esperientzia izatea.
- Lanbide – Euskal Enplegu Zerbitzuan inskribatuta eta enplegu-eskatzaile gisa alta emanda igotea.
Ikaslan Bizkaia, Lanbidek baimendutako kolokazio-agentzia
Profil hori duten pertsonak kontratatuz beren plantilla handitu nahi duten enpresek Ikaslan Bizkaiaren laguntza jaso dezakete, inongo kosturik gabe, kontratazio horiek kudeatzeko. Izan ere, Ikasenplegu laneko bitartekaritza zerbitzu espezializatua daukagu horretarako. Lanbide Heziketako ikastetxeetan prestakuntza jaso duen talentua erakartzeko produkzio-ehunak dituen tresna eta prozesuetan espezializatutako talde batek osatzen du, eta, gainera, EAEn eskaintzen diren lan-arlo ezberdinetako profilak biltzen dituen enplegurako lan-poltsa propioa du.
Informazio gehiago: enplegu@ikaslan.net
Konpartitu ezazu
CENTROS FP IKASLAN BIZKAIA
Ikaslan Bizkaia
Ikaslan Bizkaia irabazi-asmorik gabeko elkartea da, Bizkaiko Lanbide Heziketako 27 Ikastegi Publikok osatzen dutena. Maila handiko irakasleak daude elkartean, eta bere helburu nagusia irakaskuntza modernoa eta kalitatekoa ematea da, gaur egungo lan-merkatuaren beharrekin bat datorrena. Era berean, gure xedeen arteko garrantzitsuenetako bat ikasleon giza-heziketa da.
Ez itzazu galdu
Esteka interesgarriak
Harpidetu zaitez INFOIKASLANen
